Brukarutvala skal arbeide med å identifisere og følgje opp viktige innsatsområde, og bidra til å kvalitetssikre og utvikle tilbodet til brukarane.

Brukarutvala skal dekke heile hjelpemiddelområdet og vere diskusjonsforum for viktige overordna sakar. Utvala skal kunne uttale seg i samband med planlegging, gjennomføring og evaluering av dei tenesteområda som styringseininga for Nav hjelpemidler og tilrettelegging har ansvar for.

Nav hjelpemiddelsentral Vestland, Bergen har fleire brukarutval:

Områdeutvalet

Områdeutvalet er hjelpemiddelsentralen sitt forum for samarbeid med alle brukarorganisasjonane. Områdeutvalet gjer brukarane høve til å gje råd og innspel og delta i drøftingar for å bidra til at Nav leverer stadig betre tenester.

Brukarutval for Nav bilsenter Vest-Norge

Som ei prøveordning er det oppretta brukarutval, knytt til kvart av dei fem bilsentera i Nav. Utvala skal bidra til å kvalitetssikre og utvikle tilbodet til brukarane på bilområdet, gjennom brukarmedverknad på systemnivå.

Brukarutval på tolkeområdet i Vestland

Brukarutvalet er eit samarbeidsforum mellom hjelpemiddelsentralen og brukarorganisasjonane. Utvalet skal bidra til å kvalitetssikre og utvikle tilbodet til til dei som brukar tolketenester.

Sentralt brukarutval på hjelpemiddelområdet

Under relatert innhold finn du lenke til det sentrale brukarutvalet for Nav hjelpemidler og tilrettelegging.